1ܘܒܵܬ݇ܪ ܐܲܢܹܐ ܚܙܹܠܝܼ ܐܲܪܒܥܵܐ ܡܲܠܲܐܟܼܹ̈ܐ ܕܟܸܠܝܹܐ ܥܲܠ ܐܲܪܒܲܥ ܩܘܼܢܓ̰ܝܼܵܬܹ̈ܐ ܕܐܲܪܥܵܐ؛ ܘܕܒܼܝܼܩܹܐ ܠܐܲܪܒܥܵܐ ܦܵܘܚܹ̈ܐ ܕܐܲܪܥܵܐ؛ ܕܠܵܐ ܡܵܚܹܐ ܦܵܘܚܵܐ ܥܲܠ ܐܲܪܥܵܐ؛ ܘܠܵܐ ܥܲܠ ܝܵܡܵܐ؛ ܘܠܵܐ ܥܲܠ ܟ̰ܘܼ ܐܝܼܠܵܢܵܐ. 2ܘܚܙܹܠܝܼ ܚܲܕَ ܡܲܠܲܐܟܼܵܐ ܐَܚܹܪَܢܵܐ؛ ܘܐَܣܸܩܠܹܗ ܡ̣ܢ ܙܪܵܩܵܐ ܕܫܸܡܫܵܐ؛ ܕܐܝܼܬ ܗ݇ܘܵܐ ܠܹܗ ܡܵܘܗܪ ܕܐܲܠܵܗܵܐ ܚܲܝܵܐ؛ ܘܡܘܼܩܘܸܚܠܹܗ ܒܩܵܠܵܐ ܓܘܼܪܵܐ ܠܐܲܪܒܥܵܐ ܡܲܠܲܐܟܼܹ̈ܐ ܐܵܢܝܼ ܕܦܸܫܠܹܗ ܝܘܼܗ݇ܒܼܵܐ ܐܸܠܵܝܗܝ ܕܚܲܙܕܸܓܝܼ ܠܐܲܪܥܵܐ ܘܠܝܵܡܵܐ؛ ܟܲܕ ܐܵܡܸܪ؛ 3ܠܵܐ ܚܲܙܕܸܓܝܼܬܘܿܢ ܠܐܲܪܥܵܐ؛ ܘܠܵܐ ܠܝܵܡܵܐ؛ ܐܘܼܦ ܠܵܐ ܠܐܝܼܠܵܢܹ̈ܐ؛ ܗܲܠ ܕܡܵܚܵܚ ܡܵܘܗܪ ܠܪܹ̈ܓܵܘܵܬܹܐ ܕܐܲܠܵܗܵܐ ܕܝܼܲܢ ܥܲܠ ܩܸܨܵܝ. 4ܘܫܡܸܥܠܝܼ ܡܸܢܝܵܢܵܐ ܕܐܵܢܝܼ ܕܦܸܫܠܗَܘܿܢ ܡܸܚܝܹܐ ܡܵܘܗܪ؛ ܡܵܐܐ ܘܐܲܪܒܥܝܼ ܘܐܲܪܒܥܵܐ ܐܲܠܦܹ̈ܐ؛ ܡܸܚܝܹܐ ܡܵܘܗܪ ܡ̣ܢ ܟܠ ܐܘܼܓ̰ܵܓܼ ܕܒܢܲܝ̈ ܝܼܣܪܵܝܹܠ. 5ܡ̣ܢ ܐܘܼܓ̰ܵܓܼ ܕܝܼܗܘܼܕܵܐ ܡܸܚܝܹܐ ܡܵܘܗܪ ܬܪܸܥܣܲܪ ܐܲܠܦܹ̈ܐ؛ ܡ̣ܢ ܐܘܼܓ̰ܵܓܼ ܕܪܘܼܒܸܢ ܬܪܸܥܣܲܪ ܐܲܠܦܹ̈ܐ؛ ܡ̣ܢ ܐܘܼܓ̰ܵܓܼ ܕܓܵܕ ܬܪܸܥܣܲܤܪ ܐܲܠܦܹ̈ܐ؛ 6ܡ̣ܢ ܐܘܼܓ̰ܵܓܼ ܕܐܵܫܹܝܪ ܬܪܸܥܣܲܪ ܐܲܠܦܹ̈ܐ؛ ܡ̣ܢ ܐܘܼܓ̰ܵܓܼ ܕܢܲܦ̮ܬܵܠܝܼ ܬܪܸܥܣܲܪ ܐܲܠܦܹ̈ܐ؛ ܡ̣ܢ ܐܘܼܓ̰ܵܓܼ ܕܡܢܲܫܹܐ ܬܪܸܥܣܲܪ ܐܲܠܦܹ̈ܐ؛ 7ܡ̣ܢ ܐܘܼܓ̰ܵܓܼ ܕܫܸܡܥܘܿܢ ܬܪܸܥܣܲܪ ܐܲܠܦܹ̈ܐ؛ ܡ̣ܢ ܐܘܼܓ̰ܵܓܼ ܕܠܹܘܝܼ ܬܪܸܥܣܲܪ ܐܲܠܦܹ̈ܐ؛ ܡ̣ܢ ܐܘܼܓ̰ܵܓܼ ܕܐܝܼܣܵܟܼܵܪ ܬܪܸܥܣܲܪ ܐܲܠܦܹ̈ܐ؛ 8ܡ̣ܢ ܐܘܼܓ̰ܵܓܼ ܕܙܒܘܿܠܘܿܢ ܬܪܸܥܣܲܪ ܐܲܠܦܹ̈ܐ؛ ܡ̣ܢ ܐܘܼܓ̰ܵܓܼ ܕܝܵܘܣܸܦ ܬܪܸܥܣܲܪ ܐܲܠܦܹ̈ܐ؛ ܡ̣ܢ ܐܘܼܓ̰ܵܓܼ ܕܒܸܢܝܵܡܹܝܢ ܬܪܸܥܣܲܪ ܐܲܠܦܹ̈ܐ. 9ܒܵܬ݇ܪ ܐܲܢܹܐ ܚܙܹܠܝܼ؛ ܟܸܢܫܵܐ ܪܵܒܵܐ؛ ܗ̇ܘ ܕܠܸܡܢܵܝܹܗ ܐ݇ܢܵܫܵܐ ܠܹܐ ܡܵܨܹܐ ܗ݇ܘܵܐ؛ ܡ̣ܢ ܟܠ ܛܵܝܸܦܵܐ؛ ܘܛܵܝܸܦܹ̈ܐ؛ ܘܐܘܼ̈ܓ̰ܵܓܼܹܐ؛ ܘܠܸܫܵܢܹ̈ܐ؛ ܕܟܸܠܝܹܐ ܩܵܕ݇ܡ ܬܪܘܿܢܘܿܣ ܘܩܵܕ݇ܡ ܦܹܪܵܐ؛ ܟܲܕ ܠܒܼܝܼܫܹܐ ܐܸܣܛ̈ܠܹܐ ܚܘܵܪܹ̈ܐ؛ ܘܩܲܝܣܹ̈ܐ ܕܚܘܼܪ̈ܡܹܐ ܒܐܝܼܕܵܬܵܝ̈ܗܝ؛ 10ܘܩܲܘܸܚܝܼ ܗ݇ܘܵܘ ܒܩܵܠܵܐ ܓܘܼܪܵܐ ܟܲܕ ܒܹܐܡܵܪܵܐ؛ ܦܘܼܪܩܵܢܵܐ ܠܐܲܠܵܗܵܐ ܕܝܼܲܢ؛ ܠܗ̇ܘ ܕܝܼܠܹܗ ܝܬܝܼܒܼܵܐ ܥܲܠ ܬܪܘܿܢܘܿܣ؛ ܘܠܦܹܪܵܐ. 11ܘܟܠܵܝܗܝ ܐܵܢܝܼ ܡܲܠܲܐܟܼܹ̈ܐ ܟܸܠܝܹܐ ܗ݇ܘܵܘ ܚܵܕܸܪ̈ܘܵܢܹܐ ܕܬܪܘܿܢܘܿܣ؛ ܘܚܵܕܸܪ̈ܘܵܢܹܐ ܕܐܵܢܝܼ ܚܘܵܪ̈ܕܸܩܢܹܐ؛ ܘܕܵܐܢܝܼ ܐܲܪܒܲܥ ܚܲܝܘ̈ܵܬܵܐ؛ ܘܢܦܸܠܘܿܢ ܩܵܕ݇ܡ ܬܪܘܿܢܘܿܣ ܥܲܠ ܦܵܬܘܵܬܵܝ̈؛ ܘܣܓܼܸܕܠܘܿܢ ܠܐܲܠܵܗܵܐ؛ 12ܟܲܕ ܒܹܐܡܵܪܵܐ؛ ܐܵܡܹܝܢ؛ ܒܘܼܪܟܬܵܐ؛ ܘܬܸܫܒܘܿܚܬܵܐ؛ ܘܥܵܩܸܠܕܵܪܘܼܬܵܐ؛ ܘܫܵܟܲܪܬܵܐ؛ ܘܐܝܼܩܵܪܵܐ؛ ܘܚܲܝܠܵܐ؛ ܘܙܲܪܒ؛ ܠܐܲܠܵܗܵܐ ܕܝܼܲܢ؛ ܠܥܵܠܲܡ ܥܵܠܡܝܼܢ؛ ܐܵܡܹܝܢ. 13ܘܓ̰ܘܼܘܸܒܠܹܗ ܚܲܕَ ܡ̣ܢ ܚܘܵܪ̈ܕܸܩܢܹܐ ܘܐَܡܝܼܪܹܗ ܐܸܠܝܼ؛ ܐܲܢܹܐ ܕܝܼܢܵܐ ܩܛܝܼܘܹܐ ܐܲܢܹܐ ܐܸܣܛܠܹ̈ܐ ܚܘܵܪܹ̈ܐ؛ ܡܵܢܝܼ ܝܢܵܐ؛ ܘܡ̣ܢ ܐܲܝܟܵܐ ܐܬܝܼܹܐ ܝܢܵܐ؛ 14ܘܐَܡܸܪܝܼ ܐܸܠܹܗ؛ ܡܵܪܝܼ؛ ܐܲܢ݇ܬ ܟܹܐ ܝܲܕܥܸܬ. ܘܐَܡܝܼܪܹܗ ܐܸܠܝܼ؛ ܐܲܢܹܐ ܝܢܵܐ ܐܵܢܝܼ ܕܝܼܢܵܐ ܒܹܐܬܵܝܵܐ ܡ̣ܢ ܐܘܼܠܨܵܢܵܐ ܓܘܼܪܵܐ؛ ܘܚܘܼܠܸܠܘܿܢ ܐܸܣܛܠܵܝ̈ܗܝ ܘܡܘܼܚܘܸܪܵܝܠܘܿܢ ܒܕܸܡܹܗ ܕܦܹܪܵܐ. 15ܣܵܒܵܒ ܕܐܵܗܵܐ ܩܵܕ݇ܡ ܬܪܘܿܢܘܿܣ ܕܐܲܠܵܗܵܐ ܝܢܵܐ؛ ܘܒܸܥܒܼܵܕܵܐ ܝܢܵܐ ܚܸܠܡܲܬ ܐܸܠܹܗ ܐܝܼܡܵܡܵܐ ܘܠܲܝܠܹܐ ܓܵܘ ܗܲܝܟܠܵܐ ܕܝܼܹܗ؛ ܘܗ̇ܘ ܕܝܼܠܹܗ ܝܬܝܼܒܼܵܐ ܥܲܠ ܬܪܘܿܢܘܿܣ ܒܸܬ ܫܵܪܹܐ ܥܲܠܵܝܗܝ؛ 16ܠܹܐ ܟܵܦܢܝܼ ܡܸܢَܕܪܸܫَ ܘܠܹܐ ܨܲܗ݇ܝܝܼ ܡܸܢَܕܪܸܫَ؛ ܘܠܹܐ ܢܵܦܸܠ ܥܲܠܵܝܗܝ ܫܸܡܫܵܐ ܘܠܵܐ ܟ̰ܘܼ ܚܸܡܵܐ. 17ܣܵܒܵܒ ܕܦܹܪܵܐ ܕܝܼܠܹܗ ܒܒܹܝܦܲܠܓܵܐ ܕܬܪܘܿܢܘܿܣ ܒܸܬ ܡܲܪܥܹܐ ܠܗ݇ܘܿܢ؛ ܘܒܸܬ ܬܲܓܒܸܪܘܿܢ ܥܲܠ ܥܲܝܢܵܬܹ̈ܐ ܕܡ̈ܝܼܵܐ ܕܚܲܝܹ̈ܐ؛ ܘܒܸܬ ܡܵܫܹܐ ܐܲܠܵܗܵܐ ܟܠ ܕܸܡܥ̱ܬܵܐ ܡ̣ܢ ܥܲܝܢܵܝ̈ܗܝ.